Hæjj ég heiti Íris Gudnadottir..
Eg er 18 ára keflavíkur mær, og mun alltaf vera thad hehe ;)
Ég á nóg af systkinum uhmm vid erum svona 6 stykki samtals med mer LOL.. That is a hole lot of kids.. **
Ég elska tónlist, hlusta samt aðalega bra á RAPP,DNB,Hip-hop,techno og alle sammen ;)

hey allir ad kvitta i gesto!! tid bra verdid ef tid kikjid eikkad a siduna aight people thank you come again!! ****

Hrúturinn






Hrúturinn er oft spengilegur, grannur, með nef og augabrúnir sem minna á táknið fyrir stjörnumerkið. Hrúturinn er lítið hrifinn af fötum sem hefta hreyfingarfrelsi hans, enda er hann lifandi og fljótur að bregðast við. Þar sem að hrúturinn er eldsmerki þá hefur fólk í þessu merki oft mikla þörf fyrir að tjá sig í verki. Hrúturinn er óþolinmóður, þrjóskur og á illt með að þola tafir og aðgerðarleysi. Fólk í þessu stjörnumerki hefur persónutöfra og stefnir einbeitt að settu marki. Hrútar eru oft saklausir og einlægir í hjarta og eiga því bágt með að segja ósatt. Þeir eru fæddir leiðtogar og fljótir að hugsa. Íþróttir sem einkennast af hraða, hreyfingu og líkamlegri snertingu heilla hrútinn mest. Hrútar velja oft störf sem krefjast frumlegrar hugsunar og gerast margir þeirra því uppfinningamenn, vísindamenn, sálfræðingar eða geðlæknar.




Nautið



Nautið má iðulega þekkja á lágu enni, gildum hálsi og hrokknu hári. Nautin eru yfirleitt íhaldssöm í klæðaburði en ganga frekar með áberandi skartgripi og aðra fylgihluti. Naut eru nautnaseggir og eru mikið fyrir góðan mat, sætindi og öll önnur veraldleg gæði jafnt og líkamleg atlot. Þau eru þrjósk, stöðuglynd og hvika ekki frá þeim ákvörðunum sem þau taka. Naut spá mikið í peninginn og eru oft mjög séð í fjármálum. Þau eru þolinmóð, trygglynd, orðheldin og hafa einkar gott minni. Aftur á móti geta þau verið afar skapbráð, langrækin og afbrýðisöm og það getur reynst mjög erfitt að fá naut til að skipta um skoðun.










Tvíburinn






Tvíburar eru oft lágvaxnir, grannir og líkamlega veikbyggðir. Helsta auðkenni tvíburans er að hann gerir margt í einu, talar mikið og gjarnan með miklu handapati. Fólk í tvíburamerkinu er mjög forvitið og hefur mikla þörf fyrir að skiptast á skoðunum og hugmyndum við aðra, enda er algengt að tvíburar vinni við fjölmiðla eða sem sölumenn. Tvíburar eru fljótir að hugsa, einkum í öllum tjáskiptum. Þeir eiga það þó til að vera óáreiðanlegir, kaldhæðnir og fljótir að gleyma loforðum. Tvíburar fá mikið af hugmyndum en hrinda sjaldnast meirihluta þeirra í framkvæmd.










Krabbinn






Krabbar eru oft fölir og búlduleitir eins og plánetan þeirra, tunglið. Krabbar fylgjast illa með tískunni og eiga það til að velja saman óheppilegar flíkur eða föt sem komin eru úr tísku. Krabbar eru tilfinninganæmir, viðkvæmir og trygglyndir. Krabbar eru heimakærir og miklir fjölskyldumenn. Krabbar eru góðir hlustendur og fljótir að gefa ráð og miðla af reynslu sinni. Þeir eru auðsærðir og langræknir ef eitthvað er gert á þeirra hlut sem þeim mislíkar. Krabbinn býr yfir djúpum tilfinningum og miklu innsæi en getur þó hætt til drottnunargirni og tortryggni.










Ljónið






Ljónið getur aldrei farið framhjá neinum, enda telur það sig vera „konung dýrahringsins“. Ljón eru oft bein í baki með stutta fótleggi og hættir til að fitna en fara aldrei í megrun fyrr en slíkt er óumflýjanlegt. Ljón eru vel til fara og fylgjast grannt með tískunni. Ljón kunna vel að meta gullhamra og aðdáun. Þau hafa mikla þörf fyrir athygli og vilja vera hrókar alls fagnaðar á samkomum. Ljón eru skapandi, hjartahlý, lífsglöð, félagslynd og opin. Ljón geta þó haft þann ókost að vera hrokafull, eigingjörn og sjálfumglöð.










Meyjan






Meyjur þekkjast gjarnan af háum kollvikum og stórum og hreinum augum. Meyjur eltast ekkert endilega við tískuna en klæða sig þó smekklega. Þær eru duglegar og hagsýnar en lítið fyrir langar og spekingslegar samræður. Meyjur vilja helst alltaf vera að vinna í einhverjum verkefnum og miða þá vel áfram. Meyjur beita orku sinni á hagnýtan og vinnutengdan hátt. Meyjur eru hjálpsamar, áreiðanlegar og fúsar að vera öðrum innan handar. Meyjan sækir yfirleitt í starf sem krefst nákvæmni og sjálfsaga, t.d. úrsmíði eða tölvuvinnu af öllu tagi. Meyjan ætti að virkja ímyndunaraflið og láta eftir skyndilegum hugdettum í stað þess að láta skynsemina alltaf ráða ferðinni og einblína stöðugt á vinnu.










Vogin






Vogir þykja kynþokkafullar, vekja oft rómantískar tilfinningar og klæða sig oft djarflega og tælandi. Áberandi í fari þeirra er hvað þær eru blátt áfram og óþvingaðar og hefur vogin oft verið kölluð merki félagslegra samskipta. Vogir eru oft dular og vilja ekki bera vandamál sín á torg. Þeim er mikið í mun að ná markmiðum sínum, hvort sem það er í samböndum, t.d. hjónabandi, eða félagslega. Vogin er mikill sáttasemjari og á auðvelt með að lægja öldur. Vogir þola illa háværar deilur og ósamlyndi af öllu tagi. Vogin mætti gjarnan tileinka sér meiri sjálfsþekkingu og ýtni en hún á til að gera öðrum hærra undir höfði en sjálfri sér.










Sporðdrekinn






Sporðdrekar eru oftast með hvöss djúp augu og þungar augabrúnir. Þeir eru grannir, kynþokkafullir og klæða sig líka þannig, gjarnan þá í flegna boli eða þröng, svört leðurföt. Sporðdrekar tengjast djúpum tilfinningum, yfirleitt þeim sem snerta kynlíf og sjálfsbjargarhvöt. Flestum finnst fólk fætt í sporðdrekamerkinu vera leyndardómsfullt og spennandi. Fólk í þessu merki reynir eins og það getur að skapa sér tilfinningalegt öryggi í heimi sem því finnst fjandsamlegur. Undir ytra yfirborði spordrekans ólga gríðarlegar tilfinningar, ástríða og afbrýðisemi. Sporðdrekinn þarf að reyna að sigrast á innri ótta sínum og sálarkvölum til þess að öðlast lífshamingju.










Bogmaðurinn






Bogmenn hafa beinar augabrúnir og hátt enni. Bogmenn klæðast gjarnan íþróttagöllum eða öðrum tilgerðarlausum fatnaði en eru þó sjaldnast hirðuleysislegir. Bogmenn eru gjarnan miklir sælkerar á mat en þeir eru líka mikið gefnir fyrir íþróttir svo þeir fara yfirleitt ekki að fitna fyrr en upp úr miðjum aldri. Bogmönnum hættir til að láta skoðanir sínar alltof opinskátt í ljós og þá yfirleitt óumbeðnir. Bogmenn hafa mörg áhugamál og hafa því djúpa þörf fyrir að víkka sjóndeildarhring sinn. Þeir eru opnir, lífsglaðir og hreinskilnir mannvinir. Bogmenn eru óþolinmóðir og þeir þola síst yfirborðsmennsku og mættu tileinka sér meira umburðarlyndi gagnvart almennum siðum og kurteisisvenjum.










Steingeitin






Oftast rennur steingeitin saman við fjöldann því hún er bæði hógvær í framkomu og klæðaburði. Steingeitum er lítið umhugað um tískuna og klæðast fötum sem eru íhaldssöm, dökk og úr vönduðu efni. Steingeitur eru þægilegar í viðmóti og iðjusamar. Þær vinna skipulega að langtíma markmiðum og stefna að því að öðlast viðurkenningu og virðingu fyrir erfiði sitt. Steingeitin er metnaðargjörn og þolinmóð, trygg vinum sínum og fjölskyldu og mjög áreiðanleg í öllum samskiptum. Sjálfsagi og sjálfsneitun steingeitarinnar gengur oft út í öfgar og hættir henni til að halda óþarflega mikið aftur af tilfinningum sínum. Stífni og óþarfa hlédrægni steingeitarinnar stafar oft af erfiðri æsku.










Vatnsberinn






Vatnsberar eru oft hávaxnir, glæsilegir til fara með óstýrilátt hár og loðnar augabrúnir. Þeir skapa sinn eigin stíl og klæðast dýrum og nýtískulegum fötum. Vatnsberar eru sjálfstæðir og vilja af alhug berjast gegn óréttlæti. Vatnsberinn er vingjarnlegur og opinn í framkomu. Hann á það til að vera sérvitur, önuglyndur og þrjóskur. Vatnsberinn er frumlegur í hugsun og velur sér gjarnan óvenjuleg störf, eins og t.d. stjörnufræði eða eitthvað annað vísindatengt. Þó að vatnsberinn sé með mannúðlegt hjartalag þá er hann oft fjarlægur og erfitt að ná sambandi við hann.










Fiskurinn






Fatastíll fisksins er afar persónulegur og eru augu hans falleg og tjáningarrík. Fiskar hafa gaman af allri tónlist og eru miklir dansmenn en fætur fisksins eru oft fallega lagaðir og nettir. Fiskar eru nægjusamir, víðsýnir og láta vel að stjórn. Þeir hafa djúpa ást af lífinu og eru rómantískir og dreymnir. Þeir eru hjartahlýir, hjálpsamir og hafa næma eðlisávísun enda eru þeir margir hverjir vinamargir. Fiskar velja sér gjarnan starf sem tengist listum, ljóðlist eða rómantískum bókmenntum. Þeir hafa mikinn áhuga á störfum sem tengjast náttúrunni, umhverfisvernd og trúarbrögðum. Fiskurinn lifir oft í draumaheimi og þar af leiðandi verður hann oft fyrir vonbrigðum í lífinu og mætti tileinka sér meira raunsæi